شر

عشق یولوندا شَر اولار
داش اولار،خُطر اولار
یارانین دَرینلیی
سئودییین قَدَر اولار
Eşq yolunda şər olar 
Daş olar xətər olar 
Yaranın dərinliyi 
Sevdiğin Qədər olar

تانری

گؤزیاشیمی گؤرمَه دی 
دردیمی سؤپورمَه دی 
تانریا چوخ زنگ ووردوم 
گوشینی گؤتورمَه دی 

آیری آدام

بیشمیشی،خامی سئومَه
شرابی،جامی سئومَه
نه اولور من بوردایام
آیری آدامی سئومَه
Bişmişi,xami sevmə
Şərabi,cami sevmə
Nə olur mən burdayam
Ayri adami sevmə

آغ ساققال

شکر،بال اولا بیلمز
قورد،قارتال اولا بیلمَز
اَلی،جیبی بوش اولان
آغ ساققال اولا بیلمَز
Şəkər,bal olabilmez
Qurd,qartal olabilməz
Əli,cibi boş olan
Ağsaqqal olabilməz

قارانلیق

اویان،درک ائله،یاتما
اؤزون بوش،مُفتَه ساتما
بیر شمع،بیر چراغ یاندیر
قارانلیغا داش آتما